1 دده قورقود كتابي
2 كور اغلو و ساراي كتابي
3 استاد شهريارن شعلريني
(ياشاسن اذربايجان ياشاسن ايران)
يــل تـوخــونــــدو يــاپــراقـــلارا
نـــغـــمـه دولــدو دوداغــقــلارا
دونـــوب بــاخــــديم اوزاقـــلارا
سني گوردوم گوزل سوگيليم
تـــام آرزولار گـــوروشـــه نـده
مــورازليــلار گولــوشــــه نـده
اويــميـــزه گــون دوشــه نـده
سني گوردوم گوزل سوگيليم
بــير مهربــان قــيز گــوره نـده
بيـــر جوت آلا گوز گــوره نــده
قــارا خاللي اوز گـــوره نـــده
سني گوردوم گوزل سوگيليم
بهــار قـــالي تــوخـــويـــانــــدا
گــوشـــلار نغــمــه اوخويـانــدا
ايـــلديــريـــملار شــاخيــانـــدا
سني گوردوم گوزل سوگيليم
يــا اوزومــدن كــوسـنــده مــن
يــا فــيكيــرلي گه زه نده مــن
گـــوزه للريــن گـوزونـــده مــن
سني گوردوم گوزل سوگيليم
"""""""""""""""""""""""""""""""""""""""""
تا دولانديردون منه اي ماه سيما گوزلرون
گوستريبدور منده اعجاز مسيحا گوزلرون
يل ووروب زولفون سالاندا صفحه رخساروه
بير ايشاريله خسوفي ائتدي معنا گوزلرون
كيمدن اوره نميش نگارا بيلميرم غارت يولون ؟
بير باخيشدا هر نه ييم وار ائتدي يغما گوزلرون
من دئديم دل مولكوني تسخير ائده نمز بير نفر
يازدي كونلومده ولي انا فتحنا گوزلرون
نازنده سوگيليم ياديما دوشدو
هَره نين باختينا بير گوزل دوشر
سنده تكجه منيم آديما دوشدون
نازنده سوگيليم ياديما دوشدون
سن سيز داغ دوشونه چخديم بو سحر
اوتدي قومرو كيمي كورشه لاله لر
ده نيه يالقيز سان سوردو لاله لر
غور ايتدين نيسكيليم ياديما دوشدون
نازنده سوگيليم ياديما دوشدون
گوزلريم يول دا دير قولاغيم سس ده
سني اونوتمارام من سون نفس ده
اي جيران باخيش لي اي بويو بسته
اي تازه تر گولوم ياديما دوشدون
نازنده سوگيليم ياديما دوشدون
سارا بير آيدي بيزيم اللره آيسز گجه لر ----------------- بير اوجا سسدي قولاق وئر اونا هايسز گجه لر
سارا بير باغدي طبيعتدن آليب قول بوداقي ----------------- بير شيرين ماهنيدي يانليزاوخيار ائل دوداقي
سارا بير قيزدي سودان سورمه چكبپ گوزلرينه ----------------- جان دييب بيرده اوركدن آرازين سوزلرينه
سارا سئودا ايله دونياني آنان بير قيزدي ----------------- او قارانليق گئجه ني آيدين ائدن اولدوزدي
سارا سودا ايله دونياني آنان بير قيزدي ----------------- سارا غملر اوجاقيندا آليشان بير كوزدي
بير نجابتلي گلين دير ائله آسلان ساياغي ----------------- قويمادي قار ائده دنياسني چاقال اياقي
اوزوني آتدي سئله اوزگني حيران ائلدي ----------------- اويانان شمعيني پروانيه قربان ائله دي
قوشولوب سللره گتدي آنا يوردون ساراسي ----------------- قالدي شيرين اورگينده يئنه فرهاد ياراسي
باغلادي ساچلاريني قويمادي بيگانه گوره ----------------- آنا يوردون قيزي وئرمز ساچين هر كيمسه هوره
گلين اولدي آرازا اوردا تويون توتدي سارا ----------------- سوئله دي اوردا اورك سوزلريني نازلي يارا
آراز آغلار گوز ايله آلدي ساراي اللريني ----------------- دارادي ائل قيزينين بيرده قارا تللريني
گتدي گوزلردن اوزاق دوشدي ائلين بيردنه سي ----------------- گورمدي خان چوبانين آيريليقين سون نفسي
سارا گوز لر دن اوزاق دوشسده ايتمز اثري ----------------- بير ياراق تك سوزونون واردي هله چوخ كسري
خاطيره
دوشلرين قالديردي
آچدي يئلكن ساچيني باتدي سويا آغ گمي تك
اللرين چالدي سويا سانكي كوره‌ك
باتيبان ياردي سويو
دالغالانديردي سويون، اويخوسونو؛
من اوشاليق داماريمدا، لپه‌لنديم قانيلا
عكس‌ائده ركن سويودا
يئلكني‌ده
قاييغي‌دا
سئوگي
سئويرم من اؤلكه‌مي
اؤلكه‌مين داغلاريني
اؤلكه‌مين باغلاريني
اؤلكه‌مده كي ايشلك آداملاري
قالين پالتارلي قوجالاري،
يئددي اوغول آنالارين
حياتي‌نين سمفونوسون/ تربه نيشين، اوتور-دورون؛
سئويره‌م يوللارداكي
بيغلي شوپورلارين ياغلي اللرين؛
سئويره‌م آياق‌يالين
بابا آلقيشينا، بوروم- بوروم كوچه‌لري،
قاچان اوشاقلاري
خالچالارين نرده سينده دخيل دوشن بارماقلاري
* * *
من بورداسام قوجا شهرين گوبه‌گينده
يازيق كندين اوره‌گينده
قايماق كيمي بوز باغلاميش دونموش چايين اوره‌گيندن
آخير حيات
* * *
من بورداسام اوزاقلاردا
بنيزلري پالچيق پاخير
گئييم‌لري شيريم شيريم
دئييم‌لري پلتك پلتك
ايشچي‌لرين، چوبانلارين
اوشاقلارين، قادينلارين
قويون رنگي گؤزلريندن
باخير حيات
* * *
من بورداسام بولودلاردا
شاخير حيات
سئومه‌سم‌ده، يا سئوسم‌ده
من سيز، منلي
آخير حيات
من اؤلكه‌مي سئوجه‌يم
من اؤلكه‌مي سئوجه‌يم.
اونوتما
چيغير
چيغير
چيغير ماسان
يومروغا چئوريلرسنين
اوره‌گينده‌كي نيفرت‌لرين
* * *
چاغير
چاغير
چاغيرماسان
يارايا چئوريلرسنين
دامارينداكي نيسگيل‌لرين
* * *
اوخوت
اوخوت
اوخوتماسان
داشلارا چئوريلرسنين
بوغازينداكي بولبوللرين
اونوتما نيسگيليني
اونوتما نيگيليني
اونوتما بولبولونو
اونوتما
ياساق
اوچدوق دنيزدن دنيزه
و گؤيرديك بنيزلرده
توركجه ميزله، قانا ديميزلا، قادينلاريميزلا
قادينلاريميز، گؤي قورشاغي كيمي اتك لرده، چاديرلاردا؛
سوته رديلر اوشاقلاريميزي
و بيز يئني تاپديغيميز تورپاقلاري، داغلاري
سوت امر اوشاق كيمي سوردوق
اوبالار تيكيب
شهرلر قوردوق
* * *
و اينديسه قرين لر گديگينده
زامان بوينا شيندا
دميرله سيميت آراسيندا
ياساقدير قاناديميز
ياساقدير توركجه ميزده
ياساقدير حتّي «ياساقدير توركجه ميز» دئمه گيميزده
ياساقدير قاناديميزدا
عطريني گيزلت
سسيني اؤرتدو
سؤزونو گيزلتدي
باخيشيني اؤرتدو
گؤزونو گيزلتدي
اللريني قويلادي، اؤزونو گيزلتدي
آمما عطريني عطريني،
عطريني گيزله‌ده بيلمه‌دي
كوچه ميزدن گئچن قادين
* * *
دوداغيم بارداق-بارداق اؤپوش
قوللاريم ساچاق- ساچاق ساريش
اللريم قارتال- قارتال اوچوش
گل قوناليم ايچري،
هله ليك توزلاميشام پوليسين گؤزلريني
دايا بير ديزلريمه
او كريم ديزلريني
* * *
سسيني گل بير آچ، سؤزونو بير گؤستر
باخيشيني گل بيرآچ، گؤزونو بير گؤستر
اللريني گل بير آچ، اؤزونو بير گؤستر
آمما عطريني عطريني، عطريني گيزلت
كوچه‌ده يابانجي وار
كوچه‌ده يابانجي وار