داريخديم

آنام ائوده اولمايان كيمي

داريخديم سن سيز

قلمي اليمده سيخديم، هاسيخديم سن سيز

چيراغيميز سؤنوك

اوجاغيميز سويوق،

قاپيلار، قورخولو، ديوارا داياقلي آچيق

كيپريك لريم كيمي!

دوداقلاريم كيمي

چاتلاق چاتلاق

قاباردي اوره گيمين ياناقلاري،

بارماقلاريم كيمي داريخديم سن سيز

بارماقلاريم داراغيم دير

سنين ساچيندان گئجه ني يارماق ايچون؛

گونشه وارماق ايچون

داريخديم سن سيز